Brie Larson

Brie Larson
Vida
Nacimientu	Sacramento, 1 d'ochobre de 1989[1] (34 años)
Nacionalidá	Estaos Xuníos Canadá
Residencia	Nueva York
Llingua materna	francés
Familia
Pareyes	Alex Greenwald Elijah Allan-Blitz
Estudios
Estudios	Teatro del Conservatorio estadounidense (es)
Llingües falaes	inglés[2] francés[3]
Oficiu	actriz, cantante, direutora de cine, guionista, actriz de cine, actriz de televisión, productora de cine, productora de televisión, realizadora
Altor	1700 mm
Trabayos destacaos	Room Captain Marvel Scott Pilgrim vs. the World Avengers 4 21 Jump Street
Premios	ver Premio del Sindicato de Actores a la mejor actriz  (2016) : Room Globu d'Oru a la meyor actriz dramática  (2016) : Room BAFTA a la meyor actriz  (2016) Óscar a la meyor actriz  (28 febreru 2016) : Room[4] Premio Cristal  (2018)
Nominaciones	ver Óscar a la meyor actriz (14 xineru 2016): Room[4]
Xéneru artísticu	pop
Instrumentu musical	voz
Discográfica	Casablanca
IMDb	nm0488953

Brianne Sidonie Desaulniers (1 d'ochobre de 1989, Sacramento), conocida como Brie Larson, ye una actriz, direutora, guionista y cantante d'Estaos Xuníos, ganadora, ente otros, del premiu Óscar y del Globu d'Oru a la meyor actriz de 2015.

Larson foi educada na so casa enantes d'estudiar interpretación nel American Conservatory Theater. Empezó la so carrera como actriz en televisión, apaeciendo como habitual na comedia de 2001 Raising Dad, pola que foi nomada pa un Young Artist Award.

Punxo en marcha la so carrera musical en 2005, col llanzamientu del so únicu discu Finally Out of P.E.. Inda adolescente, tuvo curtios papeles en delles películes de 2004 como 13 Going on 30 y Sleepover. La so actuación na comedia Hoot (2006) foi emponderada, y darréu interpretó papeles secundarios nes películes de Greenberg (2010), Scott Pilgrim vs. The World (2010) y 21 Jump Street (2012). Ente 2009 a 2011, Larson personificó a una adolescente rebalba na serie de televisión United States of Tara.

La so actuación revelación na película independiente Short Term 12 en 2013, apurrió-y aponderamientu y aclamación per parte de la crítica. La so consagración llegó en 2015, cola so actuación en Room, un aclamáu drama basáu na novela del mesmu nome d'Emma Donoghue, onde^[5] interpretaba a Joy «Ma» Newsome y que-y fixo ganar dellos premios d'interpretación como'l Óscar, el Globu d'Oru, el de la Crítica Cinematográfica, el Premiu SAG, el BAFTA y el Premiu Independent Spirit.

Larson escribió y dirixó dos curtiumetraxes, Weighting (2011) y The Arm (2012). Tamién participó nuna producción teatral d'Estaos Xuníos nel Festival de Teatru de Williamstown.^[6] Llueu debutó como direutora de cine na comedia Unicorn Store, que tamién protagoniza.

1. ↑ Afirmao en: Discogs. Identificador Discogs d'artista: 1793037. Apaez como: Brie Larson. Data de consulta: 9 ochobre 2017. Llingua de la obra o nome: inglés.
2. ↑ Afirmao en: catálogu de la Biblioteca Nacional Checa. Identificador NKCR AUT: xx0214458. Data de consulta: 1r marzu 2022.
3. ↑ URL de la referencia: https://thefilmstage.com/features/brie-larson-talks-short-term-12-her-first-language-and-the-only-film-of-hers-shell-rewatch/.
4. ↑ ^{4,0 4,1} URL de la referencia: https://www.oscars.org/oscars/ceremonies/2016.
5. ↑ «Brie Larson, la nueva sensación de Hollywood» (castellanu). Diariu La Prensa (2 de febreru de 2016). Consultáu'l 8 de febreru de 2016.
6. ↑ «Our Town Brie Larson» (inglés). WTFestival. Consultáu'l 20 d'abril de 2016.